一直對香港的警察沒有太大的好感..除了一向給人的印象總是口黑面黑...笑容欠奉...求警協助的時候..總有種要低聲下氣...三跪九叩才可以得到敷衍的協助...但這個星期..從報章..電視..現場..所看到的是...
一位女差..身高才僅達五呎..體重還未夠一百磅..卻穿上厚厚的裝備..那頂頭盔總是左搖右擺的..小小身軀卻不顧一切的衝向大型警車..大聲喊著.."頂住啊..師兄..call增援.."...
一位防暴裝備欠缺的警員...卻冒著被人打得頭破血流的危險..雙手緊握眼前的鐵馬...低下頭奮不顧身的死守防線...雖然防線最終被攻破..但那份勇氣卻完全沒有被打敗...
就算當差多年的警員...或許也沒有一個會試過..在同一地區..可以碰上這麼多同事...而又共同執行同一case...畢業禮都沒有這麼壯觀吧!!
休戰期間..各警員互相照顧..手機還有電的..也互相借用打給家人報平安...大家都很很團結...間中從緊張的表情偶爾露出輕鬆的微笑..
有女差接受媒體訪問...執勤三十多小時感覺如何..心裡正喊著"梗係想死啦..."她卻說.."我覺得香港警察部好利害...我地都係訓練有素..好tough既.....希望?..當然希望大家一齊黎..一齊收工啦..."....在體力精神最透支的時候..還能發揮這種無私的精神...誰說我們的警員質素低...
有報章說..警員面到示威者..被嚇得面容扭曲..手忙腳亂..我想..前線警員大部份都是首次面對非演習的暴徒..對方凶神惡殺的手持硬物埋身肉搏..難道我們市民會期望我們的警員笑笑口的迎戰嗎..加上當對方衝擊防線的時候..笑笑口地迎戰..該會有種看不起對手的感覺..恐防有更大挑釁的意味...對淡化衝擊毫無幫助...

感謝每位警員今次的努力和忍耐..不管是有參與今次世貿會議而辛勤的警員..還是駐守不同警區工作的警員...更感到驕傲的是..原來我們住在全亞洲警隊水平最高的城市...多謝香港警察!!

新跑鞋測試結果係...成功..有幾成功..可以分幾點講解...首先係外型方面..雖然呢對唔係最新型號..只係NB772(聽聞日本準備投產800)...但用色係用上近年大熱既銀色搭紅間..鞋身有唔少反光物料..對於喜歡夜間跑馬路既跑手黎講..絕對係一個安全裝置...睇落都重"少潮"添...另外由於鞋本身係一對跑鞋設計..所以用料較輕巧...對於跑中長途既跑手黎講呢樣絕對重要..因為如果鞋身偏重..絕對影嚮做出的時間..當然越輕越有利...鞋底方面..坑紋分布平均...遇上濕滑既路段..一對跑鞋既排水功能就變得好重要..如果排水差..會較容易出現打滑既狀況..即係好易"拗柴"..所以對於一個跑手黎講....對鞋除左輕之外..就一定要保護對腳..由於試鞋之前..本身右腳已有傷患..每次跑完一半路程..右腳便出現隱隱作痛既狀況..但著上新跑鞋後..雖然依舊跑一半就有腳痛現象出現..但明顯無之前咁嚴重..可能同鞋既護踭設計有關..今次完全體驗到設計帶來既好處...雖然跑完除左鞋之後...一樣痛到飛起..但跑既時候..痛楚程度只屬輕微...係可以接受既級數..起碼可以完成整段路程....所以今次新鞋測試可以分幾個項目評分...(以5*為最高)

外型:***(見人見智..跑鞋黎講算係咁)

耐用性:****(視乎跑咩路面同跑幾遠)

舒適性:****(跑鞋即係跑鞋..鞋籠包貼腳掌同腳背..好體貼)

安全性:****(貼地性能高..濕地都可以放心大步跑..)

價錢:***(可以接受..因為減價..但都成四百蚊對..)

ps.朗豪靚女sales都推介過"一剔"全新跑鞋..鞋身彈性極高..可完全對摺..road feel應該一流....但係佢都話"千幾銀買黎跑步...都幾豪喎..."一聽到...我即話:"吓..千幾銀..唔使啦...唔該晒!"

媽子成日都話..你跑步就買對好d既鞋啦..買d咋野整傷隻腳重唔好啦..就係咁..因為禮拜夜晚有場波要踢..而本身對石地波砵都蝕晒(征戰多年..)..所以今日就買新波砵之餘順便買埋對跑鞋..由於對於跑步呢樣運動..一向興趣唔大(以前覺得好悶..)..咁多年..鍾意既運動就只有足球同跆拳道..所以咁多年黎..波砵都幾對..技巧鞋(跆拳鞋)都三對..而老豆後生踢開波都知..波砵都分唔同場地需要唔同既設計..但媽子點會明呢d野..重鬼渣咁聲話..踢波咪踢波..買買埋埋咁多波鞋...我咪話..草場要釘鞋..人造草要著番人造草設計既波砵..石地或者室內場就要搵番d岩一般場地既波砵..所以一個鍾意踢波既人..除左衣櫃裡既波衫會不計其數之外..就一定有齊咁多種場地既波砵應付唔同場地既需要..當然..我諗係香港長大既足球愛好者..十個有九個第一對私家自己俾錢買既波砵....一定係"白飯魚"...白飯魚既好處..係一字記之曰"薄"..鞋面得塊布..鞋底得塊膠..我地個年代..個個pe堂之前..都興周圍問同學仔借"白油"..因為對鞋黑少少..本手冊多數會有隻黑豬仔..所以0靚仔個陣..對白飯魚真係白過你套校服....到中學..因為讀和尚寺既關係..所以校規就無限著咩鞋..所以d同學..大部份唔係"一tick"..就係"三間"..個陣"三間"邊樹興架..大部份多數著"一tick"...我地呢d草根d既咪繼續白飯魚生涯囉..印象最深都係..夏天踢波..因為白飯魚多數係黑膠底...黑色勁吸熱....所以係球草上走..真係好似人地赤腳走炭咁...踢半場波都起晒水泡..(個時又唔覺得係咩一回事..依家肯定鬼殺咁嘈..)..最得意係..個鞋面會隱隱約約見到自己腳指既外形..因為個波污遭...所以腳指掂到個波既部位都會黑左..就係咁..你d腳指幾長幾短幾肥..都一清二楚...最正係..對白飯魚越殘..就代表你既戰績越多..所以唔係爛到唔著得..多數都著好耐..好有感情架..依家d0靚仔..莫講話爛..個款out d咋..已經買過對新..個陣邊諗到..原來有人因為炒波鞋都搵到錢架.....咁後來出黎做野..自自然然開始識得有d要求...所以踢波既時候..亦由白飯魚..提升到著波砵既年代...但0個時都無分到咁細..依家分到真草..人造草..膠地..室內..同一般石地呢幾種..咁通常..一對草..一對人造草..一對石地已經可以踢遍香港各式球場架啦...就係咁..今日買左對石地砵..因為特價先捨得買咋..上次買個對人造草砵都未試腳..真係好心急..而呢兩對鞋上面同樣...一面印上"三間"..另一面印有一個射罰球既圖象...雖然買既時候好明顯唔係因為有個嘜頭..而係因為造緊特價..但都希望..呢對有印有射罰球嘜頭既波砵可以係黎緊既日子..每場都能夠為我帶黎lucky goal!!

ps.下期內容:跑鞋測試報告..因為聽日起身喪試跑鞋(喪乜鬼試啊..咪又係齋跑..)....

最近..反覆係車網站搵車...油價最近半年升左八..九次..點算..由於屋企距離公司實在百幾里路..日日渣住架3.0都唔係辦法..唯有搵番d棍波車...芸芸咁多棍波車..十架有十架都已經俾先前既主人改裝..咩野絞牙避震..頂巴..底架..燃油追加..四遮鮑..搞咩啊..代步者..改到咁勁..咪又係俾"薄洛"截..有乜為呢..想搵架全原裝既棍波車勁難..(重好講..之前架echo咪一樣全改..TOMS尾鼓..TRD震同頂巴..)..係好慳油..開埋冷氣...腳腳盡都唔使1蚊1公里..今日油價就算高企..我諗都係1蚊倒..但係因為架車都係偏細..所以自己就想換架大少少..諗過歐洲車..但係九成係自動波..我諗我係棍波死硬派..我好鍾意渣車既感覺..但係絕對唔飛車..因為條路唔係我既..渣咁快有乜事自己衰就好..累人一家大細就唔好..所以咁耐牌齡好少超速俾人影...我係極享受同車一齊既時間...所以深夜放工..我就算好晏訓..都絕唔會渣快d...因為鍾意夜晚一個人..聽住音樂..慢慢渣車返屋企既感覺...個一刻..係完完全全屬於我同架車既..感覺俾起同個女仔一齊..黎得重舒服..重寫意..但係一年前賣左佢之後..個心一直念念不忘..渣住屋企架3.0..唔係唔舒服..只係厭同架車溝通太少..無乜交流..想佢快既時候..佢又唔醒水..落斜又自己失驚無神"拖波"..咁樣俾佢嚇一嚇..心血少d都死...入油重"甘"都暈...所以總係想搵番架2.0樓下既棍波車..咁就perfect啦....

ps.一日都黑都想換車...重要棍波..老豆實"炸"型...點算好呢......